روح الحياه
اهنيك على هالفكره صراااحه ممتازه ومثيره ويعطيك الف عافيه
النايف
يعطيك العافيه وفيت وكفيه لاكن مع احترامي لك عندي اضافات بسيطه وياليت تسمح لي ابدي ما عندي .
بالنسبه للسؤال
س1/ ليه الواحد منكم لو كثر ماله تعددت زوجاته؟
مو شرط انه تعدد الزوجات بسبب كثرة المال يمكن يكون من الأسباب الي وضحها الأخ/النايف واضيف عليها سبب رئيسي بالنسبه لي وهو ياشين المره اذا كثرة قرقرتها وحنتها وصياحها بصراحه ما عمري شفت زوجه بهالطريقه لاكن اسمع أنه حتى وانت جاي من الدوام وحالتك حاله تسئل الزوجه الزوج ؟؟؟ وين كنت ؟؟ يعني واحد طالع من الصبح لابس بدله عسكريه حالته حاله في هالحر خاصه بالرياض بدال ما تقابله بوجه حلو تقابله وهو عبوس وجهها يجيب البلاء وريحة الثوم والبصل تفوح منها ولابسه بجامه لها اسبوع ما غسلت ومع ذلك
حتى لو كان الرجال فقير مو غني نهائي راح يشتري سعادته ويريح باله
س2/ ليه تحبون انه تهتم فيكم اكثر من مراة ؟
يعني بالله عليك لو الرجال لاقي انسانه تهتم فيه يعني راح يدور أو يشوف غيرها ما اتوقع الا واحد بايع العشره لاكن ما الومه اذا هي ما هامها الا التلفزيون الجوال فلانه سوت فلانه اشترت فلانه سافرت فلانه تطلقة فلانه انخطبت ...... وعاد انتوا يالبنات عارفين الباقي ههههههههه
وتاركه الضعيف في حاله اكيد راح يدور من يهتم فيه شي طبيعي جداً هو يبي له وحده حنونه مرحه حبوبه يسولف معاها يمزح معاها يلعب معاها يطلع يتمشى معاها لاكنها ولا هي هناء ودني عند اختي ودني السوق ودني ....الخ
بنت الاجاويد
يعطيك العافيه وسؤال في محله اضافتي هي :
لما تكون الزوجه غلطانه ومسويه ذكيه تحاور وتلف الموضوع يمين ويسار وتسوي نفسها بريه وهي برضه غلطانه مع غلط زوجها بعض الشي اكــيد مـا راح يعتذر الرجال نهائي لسبب واحد لاتسوي نفسها ذكيه ولا تسوي نفسها انها فرضت سلطتها عليه أو أنه غبي مشت الموضوع عليه لأن بعض البنات أو الزوجات لما يعتذر الرجال منها تحس أنها تذله وهو ما راح يقبل هالطريقه (( اذا كان رجال حر يقدح من راسه)) حتى لو كانت تفكير بس تفكير
أما اذا كان الرجال غلطان 100% والغلط لابسه من راسه لاخره
لا لا لا غصب عنه اذا يقدر زوجته ويقدر العشره وبالاصح يعني بالعربي أذا كان يحبها ويغليها أكيد راح يعتذر ويتأسف ويبوس راسها بعد حتى لو كان الغلط بسيط منه هو الرجال .
اضافتي على سؤال النايف مع احترامي له ويعطيه العافيه :
ليه الزوجه اذا راحت مناسبه تزينت ولبست ومكياج وعطور وشغلات واجد ونفس الشي اذا بيزورها أحد ؟؟؟ وأذا رجعت أو راحوا الضيوف أول شي تسويه تغير ملابسها ببجامه أو قميص من الظهر لابسته وريحته تسبب جلطه بالدماااغ وفوراً تدور الصابونه وعلى المغسله تغسل المكياج والكحل والخرابيط من وجهها والي كانت عليها ؟؟؟ طيب اصبري شوي خليني أملاء عيني منك شوي .......
*** بالنسبه للسؤال الثاني الي طرحته يالنايف
مع احترامي لك في غير موقعه نهائي وماني معاك ابداً فيه
لأن الزوجه أو البنت لابد انك تمدحها في أي شي تجبر بخاطرها يحسسها انها في بالك وفي وسط قلبك وأنك مهتم فيها وحاس بالي تسويه لك حتى في (الأكل في الحلاء الي تسويه لك في لبسها في ذوقها في جمالها في كل شي يخص الزوجه) حتى لو ماهو عاجبك // اعطيها كلمه ولو جبر خاطر لأنها حسااااسه البنت مررره // حتى لوكلمه بسيطه منت خسران شي بس حسسها انك معاها في بالها مثلً (( ما قصرتي يعطيك العافيه فديت ايدك فديت عيونك الحلوه يالباء الجمال كله اش الحلاوه هاذي اش القمر الي نزل عليه ..... الخ)) من هلاكلام لو تبي راح تقول شعر بعد لاكن خلي نيتك معاها حلوه وبعد لو تطلع تمشيها وتعشيها بمطعم بسوق أي شي تحسسها لو في الشهر مره واحده لو تجيب لها هديه بسيطه لو هي ورده بقيمة (خمسه ريال) بس ورب النعمه تكفيها والله والله بالعكس تزيد من إبداعاتها علشان خاطرك .
والعموم زوجه أو زوج ـ قدم السبت تلاقي الاحد
أما بالنسبه لسؤال الاخت/رومنسيه
فالاجابه واااضحه جداً جداً
هاذا الغزلنجي 100% حتى لو ماعنده سياره يستاجر أو ياخذ سيارت خويه ويغسل السياره من العصر في مغسلة السيارات وحاجز عند الحلاق من اليوم الي قبله وملابسه بمغسلة الملابس قبلها بيوم ويخطط ويرسم وحالته حالة بس
ههههههههههههههههههه
سؤالي للبنات // لا يوجد عندي أي سؤال لأني والله تعبت من كثر الاسئله ولا فيه فايده
تقبلوا مني فائق احترامي وتقديري للجميع A