شوفي على قولت بنت الجنوب إحنا مو رجال بس >> رجالات
الرجال يختلفون وإنتي قيسي على أبوك وإخوانك وهذة القصيدة أحس إنها يمكن الأقرب وهذا رأيي شكرا يالغالية
ياكثرهم لا قلت لك عـرفت وجيه
ويا قلهم لا قلـت قـدر ومعـزة
رجل تعـزه بعـد مـا تلتقي فيه
ورجلٍ قبـل لا تلتقـي به تعـزه
ورجلٍ ترزه بالمجالـس مباديـه
ورجل فلوسـه بالمجالـس ترزه
ورجلٍ يموت ولا يجيبـون طاريه
ورجل يجـي طاريه في كـل حزه
ورجل ضعيـف ويستفزه معاديه
ورجل كلام إعـداه مـا يستفزه
ورجلٍ يهزه بعض موقف ويشقيه
ورجل ماهوب ايات موقف يهزه
ورجلٍ تلزه يعترف لك بخـافيه
ورجل على خافيه محدن يلـزه
ورجلٍ يوزونه ويزعل من أخيه
ورجلٍ يّزعل من يحاول يـوزه
ورجلٍ تكزه لازم إنك توصيـه
ورجلٍ بليا مـا توصيـه كـزه
ومن لا فرش للمرجله ماتغطيه
ومن لا يخز الناس محدن يخزه