أنا قيمت الموضوع لأنك تستاهل
لقد تميزت بطريقتك الشيقة في الكتابة والوصف والسرد
وأنا أستمتع وأنا أقرأ لك بل والله أحاول أن أحاكيك
في هذه الطريقة الجميلة والممتعه في الكتابة التي تجذب الجميع لك
نجي للقصة ....
والله ما ألوم الولد اللي كره الجمل لانه ما يشوف الجمل اصلا
الا يشوف مدرسة في الجمل ..
وبعدين تصرف غريب وأسلوب تربوي مرعب
طيب ضربه قبل يوضح له ..طفل وش يدريه
فهمه يا أخي ومو لازم باسلوبك الممتع عادي برعب قول غير اللون
لكن ضرب وتمر به على كل الفصول ويجي المدير يكمل الناقص
أعوذ بالله قسم بالله اني عشت الموقف بغيت أبكي ... ورحمتكم ..
ما شاء الله عليكم اللي طلعتوا بعقولكم وقلوبكم على هذا الرعب
حاشا لله مو تدريس هذا وهؤلاء ليسوا بمدرسين
كأنكم مساجين في سجن أبو غريب الله يكفيكم الشر
يا قلبي على صاحب الجمل اللي كرهه وأكيد كره اللون الأخضر معه
وكره المدرسة والمدرسين
وصدقت أخي والله فرق ...ألحين الطالب الكل يداريه
ولو تقول له شيء تلاقي الوزير بكبره عند رأسك
وكأن الأهل الآن ينتظرون يمسكون عليك ممسك عشان يقدمون شكوى
وطبعا لا يفوتك العبارة (( لازم تراعون نفسية الطلاب والطالبات ))
تدري يخافون يتعقد ويترك المدرسة
والمشكلة ودي يتركها لانه ما يفهم ولا يحاول الفهم كأنك تنفخ في
قربة مقطوعة وإذا قلت ارتاحوا في البيت ليش تدرسون
وتتعبون أهلكم بهالمشاوير وقومة الصبح قالوا أهلنا اللي أجبرونا
والا حنا ما نبي ...
تذكرت موقف حدث لي وأنا في خامس ابتدائي من معلمة مرعبه
مثل مدرسكم بس هي الزائد فيها حبة خال كبيرة كنا نحس الشر متجمع فيها
حتى اننا نناظر في الحبة اللي فوجهها مو فيها كنا نخاف منها
وطبعا كان فيه ضرب عندنا لكن والحمد لله لم انضرب ولا مرة لأن
اللي يخاف يسلم وأنا من النوع اللي أخاف من ظلي
الموقف ان معلماتنا وكانت تدرسنا التاريخ وأنا أحب التاريخ والجغرافيا
وكنت أحلم أكون مدرسة للمادتين لكن للأسف القسم ما كان موجود عندنا
المهم سألت سؤال : من الذي كان يلقب بسيف الله المسلول
وجاوبت طالبة إجابة خاطئة ..أرعدت المدرسة وش تقولين
يمه من الكلمة اللي كان لها هدير في الفصل
قالت : تعالي هنا وحطتها على يمين السبورة وقومت الثانية
ومن كثر ما هي تهزأ وتشتم وتعاير ما عاد قدرنا نركز
وكل واحدة تنتظر دورها ومنتظرين وش العقاب
المهم جمعت كم طالبة على يمين السبورة ...
وجاء دوري وقلت بخوف وأنا عارفة الإجابة خالد بن الوليد
لكن الخوف ما يخليك تركز
ويوم قامت من مكانها قسم بالله بغى يغمى علي قلت ألحين
تجي تأكلني ...هههههههههههه كانت عملاقة أو يمكن أنا
أحسها كذا عشاني كنت صغيرة
قالت روحي على يسار السبورة ووقفت هناك لوحدي ..
وجلست ابكي بدموع وبصمت تدرون ليه لأني بس أنا اللي على
يسار السبورة والفصل كامل اللي من 25 طالبة على اليمين
وجابت العصا ..وتخيل الموقف ...
وجت عندي وأنا شوي وأنجلط
قالت ما فيه إلا واحده اللي عارفة الإجابة وتقولها بصوت عالي
وسحبتني من يدي وكأنها تسحب قطعة قماش ما عاد فيني حياة
من الخوف وقالت ما فيه الا ((قــــمـــة)) الا إجابتها صح
وطبعا أنا ما أدري وش تقول أصلا لأني اناظر للعصا
واستلمت الفصل كله وضرب وما تسمع إلا أنين الطالبات من الألم
ولا يفوتك كنت أنتظر دوري لاني ما دريت وش قالت وان إجابتي
صح ...الله لا يعيد الشقا
ويوم خلصت دخلتني أجلس وأنا في ذهول كيف ما ضربتني
الحمد لله والشكر ...
صحيح التعليم أول كان مرعب
وكانوا أهلنا واقفين مع المدرسة ضدنا
زي اللي يقول لكم اللحم ولنا العظم مع اننا كنا مؤدبين ونخاف ونسمع الكلام
لكن لنا الله
والله الشدة طلعتنا ..شوف اليوم كيف هالجيل ما يعتمد عليه
اتكالي مايع ...........
أشكرك أخي أبو غادة ويا ليت تتحفنا بمثل هذه القصص المتعة
من حياة ذلك الماضي الجميل
وأشكر أخي أبو رشيد الذي كان السبب فيما سطرته لنا هنا
أحس ان ردي أطول من موضوعك
ههههههههههههههههههههههه
سماح المرة دي