بسم الله الرحمن الرحيم

الحمد لله على قضائه وقدره

انتقلت روح والدي الى جوار خالقها يوم الأربعاء 6/9 رحمه الله رحمةً واسعةً وتغمد روحه الجنة..
انا لله وانا اليه راجعون




أبــــوي

يابوي ليتك حي وتشوف حالي
تشوف وش هو صار من بعد فرقاك

صار الوطن بعدك من الناس خالي
صار الوطن غربه بعد ما فقدناك

يا بوي انا بعدك سهير الليالي
مقهور من دنياي منا ومناك

حدتني الدنيا وانا راس مالي
أني عزيز النفس مثلك وشرواك

ما فيه شئٍ في حياتي صفا لي
حتى الورود ان جبتها صارت اشواك

اطيح واحمولي عليّه اثقالي
واتخيلك مديت لي كف يمناك

بعدك ولا مره ترى ارتاح بالي
أصفق على كفي ندم واتحراك

من ضيقتي يا كم اصدق خيالي
وأقوم أدور عنك وأقول بالقاك

أضيع بالعالم وهمي سؤالي ؟
هو انت وينك ؟ ليه ما عاد شفناك ؟

ادري لو انك حي يا عز غالي
يمديك تفزع قبل ما أجيك وانخاك

ويلاه يا حالي وما هو جرا لي
ويلاه يا قلبٍ تعذب في طرياك

ويلاه يا بويه من اول وتالي
لا والله اول كان ينجيني ادعاك

واليوم من بعدك وش اللي بقا لي
غير أني ادعي ربي يغفر خطاياك

يالله حطه وسط منزال عالي
في جنة الفردوس يا رب الأفلاك

واغفر ذنوبه يا عزيز الجلالي
واشرح لي صدرٍ ضاق من جور دنياك

***************************

اللهم ارحم والدي بواسع رحمتك
واجعل قبره روضةً من رياض الجنة، ووسع عليه قبره مد بصره ..
واموات المسلمين
|

---

hughk uk ,thm ,hg]d ytv hggi gi ||| hggi hughk /tv uk ,hg]d ,thm