يقول الخبير في الحكمه
البارحه يوم الثريا تويقي
يوم كلٍ في لذيذ الكرى راق
وقفت لين الشوف جاله بريقي
مثل السراب اللي على البعد لهاق
لين انكشف وجه العدو والصديقي
والرفقه اللي حبلها رمث ودقاق
ولا كلفت نفسٍ بما لا تطيقي
تبينت لي كنها شمس الإشراق
وانا ليا شفت الجفا من رفيقي
وصار الامل حبر ٍ على بيض الاوراق
يروح في دربه وانا في طريقي
من خلقت الدنيا بها جمع وافراق
علي بيبان الفرج ما تضيقي
أسوقها في كل ديره وتنساق
وابعد عن اللي رفقته ما تليقي
ماني على جنبه معلّق بمعلاق
ياكثر مالي في الدير من صديقي
لا بارت العمله وشحّن الاسواق
صـداقــةٍ تبنا بســاس ٍ وثيقي
لا عقربٍ تلدغ ولا موس حلاق