(السستم).. عطلان!

(السستم).. عطلان!

(السستم).. عطلان!

هاليومين طالعة موضة جديدة، عذر جاهز وحلو لأي مشكلة وتأخير، أبد، بس لاجاك المراجع بس مط بلاجمك وقل له ببرود: السستم عطلان، تراه على طول يديور ويعطيك عرض أكتافه

وتفتك منه وترجع تفرغ لإرسال مسجات العيد لاخوياك، صار الحين عادي تسمع كلمة السستم عطلان، ما كنا نسمعها من قبل،

صار حتى راعي البقالة بدال ما يقول لك طلبك مو موجود يقول لك السستم عطلان،

إن بغيت تعرف فاتورة جوالك كم وصلت، قالوا لك ماعليش الحين ما نقدر نخدمك السستم عطلان،

إن دقيت تبي حجز على رحلة طيران قال لك ماعليش السستم عطلان،

كله كوم واللي يصير لا خرب السستم وأنت مسافر عن طريق البر للخارج، خصوصا اذا كنت رايح للبحرين مثلا،

قبل اسبوع، جلست الناس حوالي أربع ساعات من الفجر إلى قبل الظهر وهم ينتظرون حضرة السستم يتصلح،

طوابير من السيارات المليانة بشر ما غير يتلافتون بعيونهم ما هم عارفين وش يسوون،

المشكلة حتى لابغيت تهون عن هالسفرة وترجع ما تقدر تتراجع إلا إذا كنت مستغني عن سيارتك ولا تبيها،

وحتى لو ما بغيتها ما تلقى احد يقدر يرجعك،

ماحنا قايلين إن السستم لازم مايعطل لان مافيه شي بالدنيا ما تجيه لحظات ويتعطل،

لكن لازم يكون فيه بديل، لازم يكون عندنا اذا تعطل السستم، جهاز كمبيوتر وجهاز تصوير بعدين لا صلح السستم نقوم ننقل المعلومات إلى السستم اذا تصلح،

السالفة ممكن تمشي ببساطة وبدون مشاكل إذا حبينا نحل الأمور ولا نعطل الناس،

السستم عطلان مو ذنب الزبون اللي محتاج يلاقي رحلة طيران أو يبي فاتورة جوال أو يبي يسافر عن طريق البر!

المصدر: منتديات ديوانية بني شهر

---

(hgssjl)>> u'ghk!

 

مشكوره
يبدو كل شي مطعطل
حتى الي ما يطعطل
الله يعين بصبر

 

هذه ضريبه ألاجازه الصيفيه كل شيء حولنا يضرب على وتر ألسنا عطلان

طبعاً نعلم بأن من حق كل شخص يستمتع ويقضي إجازته بالشكل المطلوب بس ماتوصل لدرجة.

إني ما أحصل حجز بالمطار وأطر تأجيل سفري بسبب العطله وتكاسل الموضفين عن تأديت وآجبهم

ألعالم كله ينعم بالأجازه بس هذا لآ يعني كل شيء يتوقف ويتعطل هذه نظره غلط. وفهم خاطئ

ست الحبايب لك شكري ولايكفي.

طرح رآق لي جداً.

 

عدم وجود الأمانه يصبح كل شيء عطلان

شكراًَ لك غلاتي